Тешко повреден гостиварец по пад од скутер

Педесет и пет годишен гостиварец завршил на скопските клиники поради повреди здобиени во сообраќајна несреќа. Како што информираат од полицијата, несреќата се случила на улицата „ЈНА’“ во Гостивар, вчера попладне околу 18 часот и 15 минути. Гостиварецот паднал од скутерот што го управувал по улицата при што бил  тешко повреден. По укажаната лекарска помош во гостиварската болница, бил  пренесен на клиниките во Скопје.

Извршен е увид и се расветлуваат причините за паѓањето и другите поединости поврзани со оваа сообраќајна несреќа, соопштуваат од СВР.