Тешко повреден пешак во Гостивар синоќа

Нова сообраќајна несреќа со повреден пешак на гостиварското подрачје. Состојбата со несовеснота на учесниците во сообраќајот станува загрижувачка.

Од МВР информираа дека синоќа во 23 часот и 15 минути на булеварот „Гоце Делчев“ во Гостивар, возило „мерцедес“ со швајцарски национални ознаки, управувано од 64 годишник од Гостивар, удрило во пешак на возраст од 57 години, исто така од Гостивар. Во несреќата пешакот се здобил со тешки телесни повреди и бил пренесен во болницата во Гостивар, каде лекарите му укажале лекарска помош. Потоа, поради сериозноста на повредите, со возило на Итна медицинска помош бил префрлен на клиниките во Скопје.

По овластување на Јавен обвинител, увид на местото извршила екипа на Полициската станица Гостивар, која треба да ги утврди причините и деталите за несреќата.