Тешко повреден работник во фабрика во Гостивар

Ноќеска (20 февруари) во 3 часот и 40 минути во СВР Тетово било пријавено дека  Ѓ.Д. од Гостивар, на возраст од 41 година, вработен во гостиварска фабрика се здобил со тешки телесни повреди на една нога.

Гостиварецот бил пренесен во гостиварската болница „Ферид Мурад“, а екипа од Одделението за внатрешни работи Гостивар извршила увид на местото на повредувањето.

Од СВР Тетово доаѓа и информацијата дека вчера, во 15 часот и 30 минути, полициски службеници на Одделение за внатрешни работи Гостивар, со судска наредба, го привеле 27 годишниот Ф.З. од Гостивар, осуден на затворска казна за сторено кривично дело „неовластено производство и пуштање во промет на наркотични дроги, психостропни супстанци и прекурсори“.

Лицето било спроведено во Казнено-поправната установа „Тетово“ за издржување на затворската казна.