Тешко повредено момче од Гостивар откако во него удрил автомобил

Утрово околу 10 часот и 30 минути, на крстосницата на улиците „ЈНА“ и „Браќа Ѓиновски“ во Гостивар, патничко возило „Фолсфаген џета“ со скопски регистерски таблици, управувано од 38-годишниот Б.И. од гостиварска Долна Бањица, удрило во 17-годишен пешак од Гостивар, информираше полицијата.

Од удирањето, пешакот се здобил со тешки телесни повреди и по укажаната лекарска помош во гостиварската болница, бил пренесен на скопските клиники.

СВР соопшти дека според првичните сознанија од извршениот увид, причина за несреќата е непропуштање пешак на пешачки премин.