Тешко повредено момче во несреќа на патот Кичево-Гостивар

Едно лице завршило со тешки повреди во несреќа што се случила вчера околу 13 часот на магистрален пат Кичево – Гостивар, кај селото Зајас. Според информациите од МВР во сообраќајката учествувале: помеѓу патничко моторно возило „киа рио“, со охридски регистарски ознаки управувано, од А.И. 45-годишен од Струга и товарно моторно возило „форд транзит“, со кичевски регистарски ознаки, управувано од Р.Ф. 34-годишен од селото Колари. Во незгодата со тешки телесни повреди се здобил сопатникот во товарното моторно возило, 21 годишниот А.А. од Зајас, кој бил пренесен во Медицински центар Кичево за укажување на лекарска помош.

Увид на местото на настанот извршила екипа од СВР Охрид.