Тетовка загина, гостиварец е повреден во несреќа во тетовско

Во тешка сообраќајна несреќа што се случила вчеравечер, животот го загубила 44 годишна жена од Тетово, додека три лица, меѓу кои и еден гостиварец биле повредени.

МВР соопшти дека ноќеска во 23 часот пред угостителски објект на локален пат Тетово- Бањиче патничко моторно возило„Мерцедес“ со тетовски регистарски ознаки управувано од  32 годишниот Ш.Г. од селото Лисец излетало од патот во коритото на река Пена.

Во несреќата од здобиените повреди на лице место починала сопатничката М.К. (44) од Тетово, а смрт е констатирана од доктор од итна медицинска помош.

По незгодата со возило на итна медицинска помош, возачот и сопатниците Ш.К. на 19 годишна возраст од Тетово кај која од доктор се констатирани тешки телесни повреди и Б.Е. 34-годишен од Гостивар се пренесени во Клиничката болница во Тетово за укажување на лекарска помош.

Увид на местото на настанот извршил јавен обвинител и екипа од СВР Тетово. По наредба на јавен обвинител телото на починатата е пренесено во Клиничката болница во Тетово – Оддел за Судска Медицина за да се изврши надворешен преглед од доктор, соопшти МВР.