Тетовско-гостиварската епархија организираше екскурзија на лица со попречености во Маврово

Тетовско-гостиварската епархија беше домаќин на деца и лица со попречености од Дневниот центар „Порака“ од Неготино, за кои организираше еднодневна екскурзија во Маврово.

„Настанот се организираше со благослов на Митрополитот тетовско-гостиварски господин Јосиф. Децата и воспитувачите од страна на свештениците од гостиварското намесништво беа запознаени со духовните и природни богатства во Мавровскиот регион, ја посетивме црквата Свети Никола, беа организирани забавни активности, и на крај заедничка трпеза на љубовта.“, информираат од епархијата.

Од Центарот изразија голема  благодарност до владиката господин Јосиф и свештениците од епархијата за екскурзијата и убаво поминатиот ден во Маврово.