Тетовско и денес со нови позитивни на коронавирус, Гостивар официјално без заболени

Во тетовскиот регион продолжува да расте бројот на позитивни на коронавирус. И денес се регистрирани нови случаи. Во Гостивар нема потврдени новозаболени, а во официјалната статистика е внесен како оздравен последниот пациент, што значи актуелно Гостивар е без позитивни на Ковид 19. Во тетовско вкупно има над 70 активни болни.

Во изминатите 24 часа направени се 462 тестирања, а регистрирани се 22 нови случаи на ковид-19, соопшти Министерството за здравство. По региони се од: Скопје-9, Куманово-1, Прилеп-4, Тетово-6, Велес-1 и Охрид-1.

Досега во земјата се направени вкупно 21.010 тестирања на ковид -19. Од вкупниот број на направени тестови во изминатото деноноќие 171 тест е направен во рамките на скринингот од градинките. Преку ИЈЗ тестирани се 80 лица од Битола, а преку МАНУ тестирано е 91 лице од Скопје и сите се негативни.

Денеска Институтот за јавно здравје регистрира 16 оздравени пациенти:

– Скопје 8
– Прилеп 2
– Струга 2
– Велес 2
– Гостивар 1
– Кратово 1

МЗ информира за едно починато лица, во ГОБ „8 септември“ пациентка од Скопје (79 години), хоспитализирана како сомнителна на ковид-19 на 13 мај, а потврдена позитивна на 15 мај.

Вкупната бројка на ковид дијагностицирани во нашата земја од почетокот на епидемијата изнесува 1762, бројката на оздравени пациенти е 1267, на починати е 98, а во моментов бројот на активни случаи во земјата изнесува 397.