Занимливости
Thousand Islands – aрхипелаг со 1.864 острови
„Илјада острови“ е архипелаг кој го сочинуваат 1.864 острови, кои се наоѓаат на природната граница помеѓу САД и Канада, Сент Лоренс реката и североисточниот дел од езерото Онтарио. Архипелагот е распространет во должина од 80 km, а големината на островите пак варира од острови со 60 квадратни километри па сѐ до острови големи колку на нив да се смести една куќа.
Интересно е што одредувањето на бројот на острови е според следниот критериум: површината на островот мора да биде над нивото на водата во текот на цела година, да има површина поголема од 1 километар квадратен и да има барем едно стебло.
Најголемиот остров е Wolfe Island, долг 29km и широк околу 9km во најширокиот дел и на него живеат околу 1.400 жители. Колку за споредба, на еден од најмалите острови има само една куќа со простор околу неа за една железна клупа. Голем број од островите се ненаселени, а оние на кои има една куќа или две денес имаат пристап до електрична енергија, телефон, како и редовен превоз до копно или до останатите острови со траект.
Околу 20 острови го сочинуваат националниот парк “Илјада острови“, најстариот национален парк во Канада, источно од канадските Карпести планини. Тој секоја година привлекува голем број на туристи на кои им нуди можност за кампување, прекрасни песочни патеки, организирање на разни настани итн.
Архипелагот Илјада острови е прогласен за светски резерват на биосферата на УНЕСКО во 2002-ра година.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар