Поврзи се со нас

Вести Гостивар

Тимоние во Гостивар: Проблемите во образованието мора да се надминат со разбирање за доброто на децата

Состојбите во образованието во Гостивар и реализација на проекти во училиштата со француска поддршка, беа главните теми за кои денес разговараа градоначалникот Арбен Таравари и Францускиот Амбасадор, Кристијан Тимоние кој беше во официјална посета на општината.

Амбасадорот нагласи дека недоразбирањата кои постојат меѓу локалната и централната власт во сферата на образованието, мора да се надминат за доброто на децата и за напредок на градот.

„Гостивар е град кој може да служи како пример за соживотот, град на кој сакаме да му помогнеме и соработуваме. Се надевамe дека тешкотиите и недоразбирањата кои општината и Министерството за образование ги имаат, ќе се надминат во духот на добрата соработка и за општото добро на децата. За да има инвестиции во овој град треба да има добра релација меѓу централната и локалната власт. Ние ја даваме нашата поддршка во тој правец и планираме некои проекти во областа на образованието во Гостивар. Вие чекорите кон Европа и треба да дадете пример за добра соработка како меѓу заедниците, така и меѓу политичкитe партии. И во Европа може да се јават  несогласувања, но тие мора да се решаваат со компромис. Се надевам дека Гостивар ќе чекори кон вистинскиот пат, бидејќи има енергија. Ја користам оваа прилика и да му се заблагодарам за градоначалникот за поддршката што ја дава за франкофонијата.“, изјави Тимоние.

Таравари рече дека со голема чест, по втор пат го пречекува францускиот Амбасадор и дека помошта и поддршката од Франција се добредојдени.

„Со Амбасадорот остваривме и посебна средба со Секторот за образование, го запознавме со одземањето на надлежностите, нешто што само на Општина Гостивар и се случило во 30 годишната историја на земјава, два пати да се одземат ингеренции, тоа го немаше ни во времето на Груевски. Што се однесува до обезбедување на поддршка од Франција, се обврзавме да подготвиме добри проекти со кои ќе може да конкурираме и кои во фокусот би ја имале животната средина, училиштата и слично“, изјави градоначалникот.

По официјалната средба во општината, Амбасадорот со својот домаќин прошета низ Гостивар, за да се запознае со културно-историските обележја на градот.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!