Гостивар

Тимот на „Апаш Маало“ најдобар на Турнирот во чест на д-р Трајче Нешковски

Објавено

пред 3 месеци

на

16/10/2022

Од

Gostivarpress.mk

Заврши вториот меморијален турнир во мал фубал, што се одржа денес во Гостивар, во чест на д-р Трајче Нешковски, победата после изведување на пенали ја понесе екипата на „Апаш Маало“, во финалето, тие ја совладаа екипата на СДСМ Централа.

Во полуфиналето Апаш Маало беа подобри од ЛК СДММ Гостивар, а СДСМ Централа ја совладаа екипата на Клиника, која го освои третото место.

III место, екипа КЛИНИКА

Пехарите на прво, второ и третопласираните им ги додели директорот на Агенцијата за млади и спорт Наумче Мојсоски.

II место, екипа СДСМ Централа

Со доделување на пехарите и благодарници за поддржувачите, попладнево се заокружи вториот Меморијалниот турнир, со кој се слави животот и делото на прерано починатиот доктор од Гостивар Трајче Нешковски.

I место, екипа АПАШ МААЛО

„Од север до југ, од исток до запад, само Трајче може на едно место во исто време да собере вакви луѓе, како денес. Трајко, како што ние го викавме и уште го викаме, имаше една таква гравитациона сила со која може да собере двајца, тројца од сто луѓе кои не се познаваат и да ги направи поблиски од семејство. Како негов брат, другар, соработник може да кажам дека беше голем борец, во политиката, во животот, на работното место се бореше за животи. Тоа се примери кои ние сите треба да ги следиме. Кога велиме „Секогаш ќе живее во нас“, тоа значи да се дружиш, да сакаш, да се бориш во секој аспект на животот“, рече Стефан Богоев, на отоворањето на настанот.