Тмурно и студено време неделава во Гостивар

Новата работна недела започна со врнежи од дожд и пад на температурата. Според прогнозите на синоптичарите, и во наредните денови времето ќе биде облачно и студено.

Денес, понеделник беше измерена утринска минимална температура од 7 степени, а дневната ќе достигне до 14. Во текот на денот ќе има повеќе краткотрајни врнежи од дожд. Утре (вторник) времето ќе биде променливо облачно, со особено студено утро со температура од 3 степени.

Утрата ќе бидат студени и во среда и четврток, за кога во Гостивар се очекуваат температури во интервал од 0 до 19 степени. Ќе дува умерен до засилен северен ветер. Затоплување се очекува во петок.