Топла облека и греењето на максимум – следуваат студени денови

Новата недела во гостиварскиот регион започна со снежни врнежи, а ќе продолжи со ниски температури. Метеоролозите за наредните денови најавуваат студено време со умерен северен ветар. Опаѓањето на температурите е под влијание на северно струење. Студената и северна воздушна маса над нашето подрачје, според Управата за хидрометеоролошки работи ќе се задржи до петок. Утринските температури ќе бидат и до десет степени под нулата.

Утрово најниска температура е измерена во Маврово -7 степени, додека во Пожаране измерени се -5 степени.