Топло во Негорски бањи: КК Гостивар со +16 ја совлада екипата на Блокотехна

Кошаркарите на КК Гостивар ја забележаа третата победа сезонава и тоа против лидерот на табелата и единствената непоразена екипа до вечерва, во досегашниот дел од првенството. КК Гостивар, убедливо на гости ја совлада екипата на Блокотехна со резултат 68:84, по четвртини (13:16, 17:21, 14:14, 22:32)

Екипата на Марјан Србиноски до победата стигна благодарение на дисциплинираната и одличната игра во одбраната. „Бело-сините“ ја контролираа играта целиот натпревар, не му дозволија на домаќинот во нити еден момент да го преземе водството и се понадева на нешто повеќе.

Џо Фурстингер и овој пат беше предводник на екипата од Гостивар, постигна 25 поени, 9 скокови и 3 асистенции. Костоски проработи во второто полувреме и запиша 16 поени, Тасоски забележа 11, Зеќири 10, Димчевски 8. Сегариќ повторно беше најдобар асистент запиша 7 асистенции и исто толку поени. Вредни поени запишаа и Димитриески 4, Ре, Димитриевски 3.

Ова е втора победа по ред и многу значајна за екипата од Гостивар. Во следното коло КК Гостивар ја пречекува екипата на Шкупи.