Топтаница, дали се сеќавате на ова традиционално јадење?

Како што одминуваат  годините се заборава на вкусната храна која често сме ја јаделе во кујната на нашата баба. Топтаница или гостиварски кажано Топтајнца е традиционален рецепт кој датира од 19 век. Денес ретко кој го има пробано, но никогаш не е доцна да се проба нешто навистина вкусно.

Потребни состојки:
– 500 мл. вода да врие
– 1 кг. брашно, да се потопи во водата, (може да се користи и пченкарно брашно)
– 50мл масло
– 1 мала лажичка сол

Кога ќе се излади се додава квасец, се замесува и се прават мали топчиња. Топчињата се ставаат во тепсија (тавче), сукани едно врз друго. Се печат во загреана рерна на 250 степени. Откако ќе се потпече се кине со вилушка и се прелива со загреано масло. Повторно се страва во рерна да се допече.

Топтаницата може да се јаде со јогурт, павлака, кисело млеко, сирење.