Кралица на благото: Торта со чоколадни бананчиња (без печење)

Со овој десерт, кој се подготвува едноставно и брзо, може да ги израдувате домашните во секое време. Ја нарекуваат Кралица на благото, можеби заради чоколадните бананчиња, кои нема човек што не ги обожава.

Состојки:

1/2кг чоколадни наполитанки
250гр кекс
1л млеко
1л слатка павлаката
3 пакетчиња желатин
10 чоколадни бананчиња

Подготовка:

Стоплете го млекото на тивок оган и во него ставете го желатинот, подготвен според начинот на кесичката. Изматете ја слатката павлака и ставете ја половина во изладеното млеко. Останатата половина оставете ја за декорација. Смесата со млекото поделете ја на три дела. Во едниот дел ставете ги издробените наполитанки. Во другиот кексот, а во третиот баначињата. На тавче број 24 ставете хартија и ставете ги смесите една врз друга почнувајќи од наполитанките, бананчињата, па кексот. На крај декорирајте со слатката павлака и ставете го во фрижидер за да се стегне околу 2 часа.