Торта со палачинки, хит десерт за слатко задоволство

Кога ќе се спојат два омилени десерти во еден рецепт, неизбежно е да се добие неодолив сладок залак. Тортата со палачинки стана хит на социјалните мрежи, па ако досега не сте ја подготвиле, време е да го направите тоа.

Состојки:

180 гр остро брашно

2 лажици какао во прав

прстофат сол

3 лажици шеќер

3 јајца

250 мл млеко

150 мл вода

лажица мед

масло

Подготовка:

Во сад се ставаат брашното, какаото, прстофат сол и шеќер и сето убаво се меша. Потоа се додаваат 3 јајца, постепено се прелива млекото додека се меша, па се додава водата и се меша додека не се добие мазно тесто. Процедете го тестото за палачинки низ ситно сито за да ги отстраните сите грутки.

Додадете мед во тестото и оставете го да отстои 20 минути. Потоа во тестото ставете масло.

Намачкајте ја тавата за пржење со масло и пржете ги палачинките од двете страни на среден оган. Треба да излезат околу 15 палачинки.

За филот

Состојки:

250 гр крем сирење

2 лажици шеќер во прав

150 гр. павлака – полномасна

250 гр. слатка павлака

лажица мед

2 лаќици какао

Постапка:

1. За филот убаво измешајте ги крем сирењето, 1 лажица шеќер во прав и павлаката. Во друг сад изматете ја слатката павлака, 1 лажица шеќер во прав и 2 лажици какао. Откако убаво ќе ги изматите соединете ги смесите во фил.
2. Секоја палачинка се премачкува со фил и се редат во калап за округла торта. При тоа убаво притискајте ги една врз друга. На крај целата торта се премачкува со преостанатиот фил.
3. Кога ќе завршите со постапката покријате ја тортата со фолија и оставете ја во фрижидер да се стегне 8-10 часа. Може да се декорира со чоколаден прелив, некое овошје или шеќер во прав.