Тортиљи со јајца и многу сирење на француски начин

Мишелин готвач, Французинот Никола Абело од ресторанот L’Appart во Њујорк црпи инспирација од класичните француски рецепти, на кои им дава модерен талент. Едно од неговите омилени јадења што може да се сервира за појадок за време на викендите или некакво дружење со пријателите е француската кесадила – тортиља за љубителите на сирењето. Не се потребни повеќе од 20 минути за да се подготви.

Сè што ви треба е да подготвите јајца, млад кромид, путер, млеко, тортиљи и доволно сирење што убаво ќе се стопи.

„Тајната на сласта е во јајцата. Прво, стопете го путерот  во тава и потоа додадете го исечканиот кромид. Пред да се потемни кромидот, истурете ја мешавината од јајца, сол и бибер со малку крем или млеко и печете на силен оган, постојано мешајќи “, вели готвачот.

Ќе ви требаат максимум три минути за јајцата, а потоа пренесете ги во посебен сад. Во голема тава, загрејте ја тортиљата и превртете ја. Потоа додадете дарежлива количина рендано сирење и јајца и преклопете ја тортиљата и продолжете да ја печете околу една минута до две на тивок оган. Послужете со омилениот сос или зеленчук како домати и пиперки.

Во тортиљата, освен јајца и сирење, можете да додадете и печено пилешко или шунка на коцки, пченка, грав или сецкани лути пиперки.