Традиционален рецепт за супа од црвена леќа

Денес ви пренесуваме еден традиционален турски рецепт за супа од црвена леќа, која е одлично предјадење за ифтарското мени.

Состојки:

-1 филџан црвена леќа
-1 главица кромид
-1 морков
-1,5 коцка за супа
-3 филџани вода

за декорација:

-1 лажичка путер
-црвена пиперка
-чили во прав

Подготовка:

Сите главни состојки ставате ги во лонец со средна големина и кувајте околу 20 минути на тивок оган. Сето тоа ставете го во блендер и изблендирајте. Ако смесата е многу густа може да додадете малку врела вода.

Ставете ја супата во чинии, а за тоа време стопете го путерот и додадете ги пиперката и чилито во него. Кога смесата ќе зоврие тргнете ја од оган и сипајте во секоја чинија декорирано како на насловната фотографија.

За подготовка потребни ви се околу 30 минути.

Во текот на послужувањето исцедете и неколку капки лимун во чинијата, по вкус се разбира.