Пинса – Традиционален италијански специјалитет кој би можел да ја надмине пицата

Убава и мека како пица, пинсата е нејзина претходничка, која оваа година би можела да се врати на голема врата.

Некогашното јадење во кое уживале старите Римјани го оживеаа италијанските пинсерии во САД, а гастрономските познаватели најавуваат дека во 2020-та ова јадење би можело да стане хит. Во тоа придонесува и фактот дека тестото за пинса полесно е за желудникот отколку она за пица.

Постојат повеќе начини за подготовка на тестото, од употреба на повеќе видови брашно до употреба на ферментиран квасец. За која варијанта и да се одлучите, потребно е трпение за резултатот да биде миризлив облак од тесто, однадвор крцкаво, а одвнатре меко.

Во продолжение е основниот рецепт од гастростручњакот Веруске Анконитано. По желба може да експериментирате со додатоци, како комбинација на маслиново масло, сол, рузмарин или моцарела.

Состојки за пинса, односно за тестото:

800 g оризово брашно
150 g соино брашно
1/2 вреќичка сув квасец
20 g сол
10 ml маслиново масло
1 l ладна вода

Подготовка:

Со раце промешајте ги сите три видови на брашно, па потоа измешајте го и квасецот. Додадете 8 dl ладна вода и мешајте околу 3-4 минути. Во тестото додадете сол, измешајте, па додадете масло и продолжете да мешате. Додајте ја останатата ладна вода и мешајте, најмалку, уште 5 минути. Ставете го тестото во сад и оставете го во ладилник, најмалку 35 часа, можете и 48 часа. После тоа, тестото извадете го од ладилник и оставете го 3 часа или додека не се удвои. Вадете парчиња тесто, развлечете ги, распоредете ги на измрсен плех со масло и одозгора нанесете намирници по желба.

Печете во загреана рерна на 200 степени околу 10 минути.