Трагедија на патот Маврови Анови – Дебар, животот го загубија три лица

Трагична сообраќајна несреќа се случила попладнево на регионалниот пат Маврови Анови – Дебар, во која животот го загубија три лица, а едно е повредено.

Според првичните информации, автомобилот со кој се превезувале жртвите излетал од коловозот кај Стрезимирски мост и паднал во река Радика.

Извори во МВР информираат дека патничко моторно возило „Рено“ со германски национални ознаки излетало од коловозот околу 16:50 часот. На местото на несреќата, првично починале три лица, а едно повредено лице е пренесено во гостиварската општа болница „Ферид Мурад“ на укажување лекарска помош.

Екипи на СВР Тетово се на местото на настанот увид ќе изврши и јавен обвинител.