Трагедија: Се самоуби познатиот кулинар Ентони Бордејн

Еден од најпознатите светски готвачи и автор на емисии Ентони Бордејн утрово е пронајден мртов во хотелска соба во Франција. Како што јавија светските медиуми, кулинарот најверојано извршил самоубиство.

Бордејн имаше 61 година, а во Франција престојувал службено поради снимање на нова епизода од неговата серија „Непознати делови“.

„Бордејн беше мајстор на својот занает – прво во кујната, а потоа и во медиумите. Преку неговите телевизиски емисии и книги, тој ја истражуваше човечката состојба и ѝ помагаше на публиката да размислува поинаку за храната, патувањето и за самите себе. Се залагаше за маргинализираното население и водеше кампања за побезбедни работни услови за рестораните“, напиша Си Ен Ен.

Го нарекуваа „рок ѕвезда на кулинарскиот свет“ и „Елвис на палавите готвачи“.