Тренинг и вежба за спасување при елементарни непогоди утре во училиштето во Пирок

Во Основното општинско училиште, „Сами Фрашери“ – с.Пирок, Општина Боговиње, со почеток во 11.30 часот ќе се организира и спроведе обука, тренинг и тактичко показна вежба за проверка на ефикасноста и функционалноста на планот за заштита и спасување во училиштето во случај на природни непогоди и други несреќи. Вежбовна активност ќе се спроведе по замислено сценарио за заштита и спасување од свлечиште и пожар во училишните објекти и спортските терени во Основното општинско училиште, „Сами Фрашери“ – с.Пирок, Општина Боговиње.

Тема на обуката е брзо напуштање на објектот, заштита и спасување во услови на свлечиште, пожар и други елементарни непогоди во училишните простории.

Цел на обуката е да се направи проверка на училишниот персонал и учениците за брзо и организирано напуштање на училишните простории ккао и спасување и пружање на прва медицинска помош на загрозени лица.

Вежбата е од неопходно значење за жителите на Полошкиот регион кој често е погоден од силни поројни дождови и свлечишта, опасни по живот за месното население.

Во рамките на вежбата ќе учествуваат: ОУ „Сами Фрашери“ – с.Пирок, Општинска организација на Црвениот крст Тетово, ПО ДЗС Тетово, Здравствен дом Тетово, ПО ДЗС Тетово, СВР Тетово, Полиција.

Обуката, тренингот и вежбата се спроведуваат како дел од превентивните активности и едукација на населението во рамките на проектот „ Подобрување на отпорноста кон поплави во Полошкиот регион“, финасиран од Швајцарската амбасада, а имплентиран од УНДП МК , Министерство за животна средина и просторно планирање и локалните самоуправи од Полошкиот регион.