Трет протест против поскапувањето на струјата во Гостивар

Во Гостивар се одржа протест трет по ред, против поскапувањето на цената на струјата, откако беше одлучено сметките за електрична енергија да бидат повисоки за 7,4 отсто. Овој пат своето незадоволство жителите на овој регион го искажаа на поинаков начин, во вид на протестен марш со автомобили.

Маршот започна од гостиварската патарина и возилата се движеа во правец на Кичево, до здуњска крстосница. За времетраењето на маршот сообраќајот се одвиваше отежнато и беше регулиран од полициски службеници.

Учесниците уште еднаш испратија порака дека се против поскапувањето на струјата и го повторија нивните барања: да се стави вон сила одлуката за поскапување на цената на струјата за 7,4%, цената да се намали за 20%, да се укине монополот на услугите на ЕВН и да се укине Регулаторната комисија за енергетика.