Три лица во Гостивар лишени од слобода, биле надвор за време на полициски час

Вчера (26 март) и денеска (27 март) во периодот од 7 до 7 часот, на подрачјето на СВР Тетово вкупно 4 лица не ја почитувале владината одлука за ограничено движење (Тетото-1 и Гостивар-3). Сите се лишени од слобода и се задржани за целосно документирање на случаите, по што против нив ќе бидат изготвени соодветни поднесоци, информира СВР.

Вчера, во содејство со Државниот пазарен инспекторат, во Тетово и тетовска Голема Речица откриени се 3 угостителски објекти, кои биле отворени и работеле. Објектите се затворени, а против нивните сопственици ќе следуваат поднесоци.

Секторот за внатрешни работи Тетово апелира до граѓаните целосно да ја почитуваат владината одлука за ограничено движење и сите мерки и препораки за справување со „коронавирусот“. Секое непочитување, односно кршење на овие мерки ќе се санкционира на законски предвидениот начин, односно со изготвување на соодветни поднесоци, согласно членовите 205 и 206 од Кривичниот законик.

„Апелираме до  граѓаните да се воздржат од непотребно излегување од нивните домови, зашто можат да ги доведат во прашање сопствениот и животот на своите најблиски во семејството, роднини, пријатели и соседи, на своите сограѓани. Конкретен совет до сите на подрачјето: Останете дома и најдете нешто што ќе ве направи спокојни и во овие навистина сериозни мигови, кога животите се во прашање, а секој човечки живот нема цена и со ништо друго не може  да се надомести. Оние на кои им е потребна било каква помош од делокругот на професионалните обврски на СВР Тетово, како и досега, можат да се јават на телефонскиот број 192.“, наведуваат од СВР.