Три лица се повредени во несреќата попладнево кај Карпалак, сообраќајот на автопатот по една лента

Во сообраќајната несреќа на автопатот Скопје-Тетово, близу Карпалак за која претходно информиравме, повредени се три лица.

Според информациите кои Gostivarpress.mk ги доби од СВР Тетово, во несреќата учествувале фолксваген пасат со скопска регистрација, што го управувал 26 годишниот Е.Е од Тетово и товарно возило „форд транзит“ со гостиварски таблици управувано 38 годишниот Б.С од селото Добридол.

Возачот на пасатот се здобил со тешки телесни повреди и бил пренесен во тетовскиот Клинички центар. Совозачот во пасатот и возачот на фордот, пак задобиле повреди од лесен карактер и превентивно биле префрлени во болница.

Сообраќајот на автопатот поради несреќата, во која канти со поликолор се истуриле по коловозот (ги превезувал фордот) се одвива по една лента.