Три лица завршиле со тешки повреди во вчерашната несреќа на патот Гостивар-Кичево

Вчерашната сообраќајка на патот Гостивар-Кичево за која објавивме првични информации, завршила со вкупно три тешко повредени лица. Сите три, биле пренесени на клиниките во Скопје. 

МВР излезе со официјални информации за несреќата. Се случила во 17.50 часот, кај планински превој „Стража“  при што се судриле  патничко моторно возило „Опел“ со тетовски регистерски ознаки, управувано од Х.С.(27) од Тетово, и патничко моторно возило „Киа Спортаж“ со скопски регистерски ознаки, управувано од С.П.(54) од Скопје. Со тешки телесни повреди се здобиле возачите Х.С., С.П., сопатничката од возилото „Киа Спортаж“ Б.П.(49) и  сопатникот од другото возило Б.С.(57). Четворицата повредени биле пренесени во Комплекс клиники “Мајка Тереза“ во Скопје, извести МВР.