Три млади лица повредени во несреќа на патот Кичево-Гостивар

Девојка била тешко повредена, додека уште две лица завршиле со полесни повреди во несреќа што се случила вчера на магистралниот пат Кичево-Гостивар. МВР соопшти дека  во 14 часот било пријавено дека на магистралниот пат Кичево-Гостивар се случила сообраќајна незгода помеѓу товарно возило „мерцедес“, со кичевски регистарски ознаки, управувано од С.Н.(55) од Кичево и патничко возило „опел астра“, со кичевски регистарски ознаки, управувано од В.М.(23) од Кичево.

Притоа, со тешки телесни повреди, констатирани во Општата болница во Битола, се здобила А.М.(19) од Кичево, сопатник во патничкото возило. Со телесни повреди, констатирани во болницата во Кичево, се здобиле возачот на возилото „опел астра“, 17 – годишен сопатник и И.А.(22), сите од Кичево. Увид на местото извршила увидна екипа од ОВР Кичево.