Три напади и тепачки во Тетово вчера! Учествувале јатрви, малолетници…

СВР Тетово регистрира три физички напади на тетовското подрачје кои се случиле во текот на вчерашниот ден (19 септември).

Околу 21 часот и 20 минути  на улица „Илинденска“ во Тетово биле лишени од слобода  Ш.Б.(72) и Ч.Б.(31) од тетовски Бродец и В.А.(28) од Тетово, кои меѓусебно физички се пресметувале и употребиле дрвени и метални предмети, а причина за пресметката биле семејни недоразбирања на В.А. со неговата 26-годишна сопруга. Инволвираните во пресметката Ш.Б. и Ч.Б. задржани се во Полициската станица Тетово за расчистување и документирање на случајот.

Во 16 часот во СВР Тетово пријавено е дека еден час пред тоа во близина на угостителски објект на улица „Илинденска“ во Тетово настанала физичка пресметка помеѓу шест малолетници од Тетово и тетовските села Селце, Желино, Голема Речица.

Во 14 часот и 10 минути, 31-годишна жена од тетовско село во СВР Тетово пријавила дека, по претходна расправија на нивните деца, во дворот од заедничката куќа физички била нападната од нејзината јатрва А.А.(44).