Три варијанти за нискокалоричен, а вкусен појадок

Основното правило во исхраната гласи: Не го прескокнувајте појадокот!. Без разлика дали ја имате идеалната тежина, или сакате да ослабнете, наутро мора да имате оброк. На организмот му треба енергија да го покрене и одржи во текот на денот, а тоа се постигнува токму со појадокот. Денес, ви предлагаме три варијатни на здрав, вкусен нискокалоричен појадок.

Омлет од белки со спанаќ и лук

2 белки од јајца

2 филџани обарен спанаќ

3-4 чешниња лук

малку фета сирење

путер

Во тава се става путерот да се растопи. Кога ќе се растопи се ставаат да се пропржат ситно сецканиот лук и обарениот спанаќ. На крај се додаваат изматените белки и фета сирењето.

Печена овесна каша со банана и аронија

2 банани

1 филџан овес

20-тина зрна аронија

1 лажичка мед

1 јајце

грст сецкани ореви

цимет

1 филџан млеко со ниска масленост

Во подмачкан плех наредете ги бананите исечени на тркалца. Додадете го медот, циметот, арннијата, оревите и покријте со фолија, па печете околу 10 минути. Додека се пече измешајте ги добро млекото, јајцето и овесот. На потпечените банани додадете ја таа смеса и печете уште 20-тина минути.

 Гриз со бадеми

60 гр. гриз

1 филџан млеко со ниска масленост

грст бадеми

по вкус може да се додаде некое овошје

Загрејте го млекото, истурете го гризот и мешајте неколку минути додека смесата не се згусне. Додадете ги бадемите и овошјето и уживајте.