Триаголници со сирење, појадок или вечера за чиста 10-ка

Со малку состојки и за многу кратко време може да си подготвите супер вкусен појадок или вечера следејќи го овој рецепт.

Состојки:

500 гр. сирење

2 јајца

едно пакување кори за пита

масло

половина кесичка прашок за пециво

Подготовка:

Најпрво во сад изматете ги јајцата, раздробеното сирење, малку масло и прашокот за пециво. Земете  кора и исечете ја по должина на два дела. Преклопете го секој дел и премачкајте со смесата од јајца и сирење. Потоа превиткајте го едниот крај кон спротивниот раб на кората, па следниот во спротивна насока и така додека не ја извиткате кората до крај.

Повторете ја постапката со сите кори. Во тава со загреано масло ставајте ги триаголниците да се пржат. Потребни им се 3-4 минути од едната и исто толку од другата страна.

Откако ќе бидат готови, ставете ги на салфетка за да се исцеди вишокот маснотии.