Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 20/11/2018

Трибина на тема Ментално здравје во Универзитетот Визион во Гостивар

Меѓународниот универзитет Визион-Гостивар се вклучи во одбележувањето на Денови на психологијата 2018, организирани од Националната платформа на Комората на психолози на Република Македонија со цел унапредување на менталното здравје.  Денес во просториите на универзитетот се одржа трибина на тема: Ментално здравје: кому да се обратам кога ми е тешко?, наменета за средношколците од гостиварските училишта.

Средношколците се запознаа со термините за менталното здравје, се промовираше работата на психологот и неговата дејност како чувар на менталното здравје. Исто така беа опфатени неколку теми од менталното здравје кои најмногу ги допираат адолесцентите. „Незнаењето и бесчувствителноста на карактеристиките на одреден период од животот, погрешни постапки, непрепознавање на раните знаци на одредени потешкотии, како и моралната конфузија може да донесе до загрозување на менталното здравје на младите. Кај младите се сѐ повеќе и повеќе присутни конзумирањето алкохол, дрога, цигари, пореметувања во исхраната, депресија, самоубиства, емоционални потешкотии и проблематично однесување.“, беше речено на настанот.

Предавачи на трибината беа лиценцираниот психолог и декан на Факултетот за општествени науки при Меѓународниот универзитет Визион-Гостивар доц. д-р Калина Сотироска Иваноска, Муедин Кахвеџи, доктор на психолошки науки и м-р Хава Шабани, професори на Факултетот за општествени науки при Меѓународниот универзитет Визион-Гостивар.

 

Оставете коментар

Вашата Емаил адреса нема да биде објавена.Задолжителните полиња се означени *

*