Гостивар
Трибина во Гостивар: Како да се зачува менталното здравје на децата и тинејџерите?

Менталното здравје на младата популација е под силен удар и многу од децата и тинејџерите страдаат од депресија, анксиозност и други слични загрижувачки состојби. Неопходно е да се подигнува свеста за важноста на менталното здравје, проблемите да не се кријат и да се бара помош од стручни лица. Ова беа главните теми на денешната трибина што се одржа во Гостивар посветена на менталното здравје кај децата и адолесцентите.
Истражување направено од Универзитетската клиника за психијатрија во соработка со УНИЦЕФ и СЗО покажало дека менталното здравје кај децата и младите е доста загрозено.
„Многу е зголемена појавата на депресија, анксиозност, самоповредување, насилство и слично. Зависноста од екраните, технологијата, е многу честа и предизвикува негативно влијание. Се‘ повеќе гледаме деца кои се социјално изолирани, затворени, кои не се дружат, некои одбиваат и да одат на училиште. Сето тоа што што треба да е својствено за младите недостасува заради зависност од интернет и тоа има голема рефлексија врз нивното однесување, емоционалниот развој, севкупно функционирање и секако влијае на нивната ментална состојба.“, подвлече д-р Стојан Бајрактаров, директор на Универзитетската клиника за психијатрија во Скопје.
Психотерапевтот Вида Гаврилоска Бубало потенцираше дека неопходно е да се надминат трите најчести мита, заблуди, врзани со менталното здравје.
„Едниот мит е дека најчесто варијациите во менталното здравје, како што е нерасположеност, срамежливост, затвореност и други категории со самото одење на психолог, психијатар се врзуваат со ментална болест. Другиот мит е дека тие состојби се состојби што семејството најдобро може да ги реши и се‘ што се случува треба да остане во кругот на семејството. Ова е мит, затоа што родителите секако не можат се‘ да препознаат и да пружат соодветна помош. И третиот е дека луѓето се плашат од нешто што не е познато и го доживуваат како личен неуспех, а никој од нас не е обучен да знае и да се справува со сето она што го носи животот во било кој период, како и во адолесценцијата.“, рече психотерапевтот.
Еден од говорниците на трибината беше и градоначалникот на Гостивар, Арбен Таравари. „Има една изрека „Во здраво тело, здрав дух“ и во овој правец општина Гостивар често спроведува спортски активности за децата и младите, кои секако помагаат во насока на подобро ментално здравје. Организираме и семинари, работниници со стручните лица психолози во училиштата, за тоа како да се сочува менталното здравје кај децата, пособно кај средношколците“, рече Таравари.
Гостивар е еден од градовите во кои се одржуваат вакви трибини, а се организирани од страна на „Центарот за одржлив развој БИОМ“, како дел од „Заедничката глобална иницијатива на СЗО и УНИЦЕФ за ментално здравје и психосоцијална добросостојба и развој на децата и адолесцентите.
-
Гостиварпред 3 недели
Се потсетуваме, најсреќните на Водици во Гостивар кои го извадија крстот од Вардар
-
Гостиварпред 3 месеци
Инцидент во маркет во Гостивар
-
Македонијапред 2 месеци
Невработените со можност за бесплатни обуки и полагање за возачки дозволи за камион и автобус
-
Светпред 3 месеци
Во Словенија нови правила за странци за постојан и привремен престој
-
Гостиварпред 3 месеци
ПАТЕПИС: Во прегратките на Кораб – Светилиштата како вечност
-
Вестипред 3 месеци
УЈП со важно известување за корисниците на МојДДВ
-
Вестипред 3 месеци
Преку „е-услуги“ вадење имотен лист за неколку секунди
-
Гостиарскипред 3 месеци
Гостиварецот Деан Поповски победник во уникатното голф дерби во Белград