Вести
Трибина во Гостивар: Повеќе жени бизнис лидерки за придвижување на економијата
Како до повеќе жени на одлучувачките позиции во компаниите и на кој начин жените може да станат позначаен фактор во македонската економија. Ова беа темите на кои се разговараше на денешната трибина во Гостивар, организирана во рамки на проектот „Зголемување на бројот на жени во управните и надзорни одбори во приватните компании“, што го спроведува здружението на жени менаџери, Елит од Скопје.
„Македонија како и другите земји во светот се среќава со партијархалност, стереотипност, традиција и често се кажува не лични жена да биде газда. Ние сакаме поголемо учество на жените во управните и надзорните одбори во компаниите со што жената ќе се искористи како ресурс и на тој начин ќе се придвижи економијата и ќе се обезбедат поголем број на вработувања. На трибините што ги организираме учествуваат раководните структури на компаниите, преку кои добиваме информации за состојбата и жени лидерки кои држат мотивациски говори со цел да ги поттикант другите жени да ја почнат својата бизнис приказна. Ние веруваме во моќта на жената“, изјави Ленка Угриноска, претседател на здружението.
Европската Унија предвидува до 2020 година бројот на жените во управните и надзорни одбори да биде 40%. Актуелните 19% учество на жените во македонските компании е на незадоволително ниво, сметаат од здружението. Според нив, единствен начин да покренат промени во корист на жените во бизнисот е воведување на системски мерки, за што е неопходна соработка на граѓанскиот, приватниот сектор и државните институции.
На денешната трибина во Гостивар мотивациски говор одржа Г`зиме Фејзи, која важи за успешен пример на жена менаџер, а воедно е и координатор на проектот.
Проектот е поддржан од Министерството за економија на Република Македонија.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk