Триесет дена притвор за гостиварецот кој се обидел да ја силува сосетката

Судија на претходна постапка во Основниот суд Гостивар на 41-годишниот гостиварец Д.В. му определил мерка притвор од 30 дена поради основано сомнение дека сторил кривично дело “силување во обид”, казниво по член 186, а во врска со член 19 од Кривичниот законик, кривично пријавен од СВРТетово-Одделение за внатрешни работи Гостивар.

Пријавениот Д.В., вчера(27 април) околу 20 часот физички ја нападнал 61-годишната сосетка во нејзиниот дом и се обидел да ја обљуби, соопшти полицијата. „Осомничениот најпрвин влегол во нејзината куќа и побарал да му свари кафе. Откако го одбила, тој ја нападнал започнал да се соблекува и да ја допира. Во обид да ја совлада, ја удрил со тупаница по главата. Оштетената за цело време се спротивставувала и во еден момент успеала да се ослободи и да излезе во дворот. Таму наишол сведок, кој го спречил осомничениот во намерата.“, се наведува во соопштението од обвинителство.

Гостиварецот ќе биде спроведен во Казнено-поправната установа Затвор”Скопје” во Скопје за издржување на притворот.