Тринаесетгодишната Андреа од Здуње, најмлада учесничка во Горно Реканската коњаница

Во чест на големиот празник Илинден, традиционално се организира марш со коњаници, кои на 2-ри Август заедно слават во историско Крушево. Горно Реканската коњаница секоја година тргнува од живописното село Врбен, а годинава во своите редови има храбро младо девојче од гостиварско Здуње.

Тринаесетгодишната Андреа Данаилоска е најмладата учесничка во коњаницата и со гордост е дел од негувањето на овој обичај и зачувување на историските вредности.

„Желбата на Андреа да биде дел од коњаницата датира многу одамна од кога почна да осознава за историјата на Македонците, борбата и заложбите на нашите народни херои.

Во духот на патриотизмот облечена во комитска руба, таа храбро и облучно тргна по планинските патеки ,гори и шуми за да стигне до славното Крушево на Мечкин Камен. Гордите родители на Андреа се нејзината најголема поддршка и мотивација и со нивна дозвола и помош оваа најмлада учесничка војвотка македонска развиори на коњ храбро и горделиво заедно со другите учесници.“, велат од нејзиното блиско семејство.

За девојчето, јавањето коњ е преокупација и хоби, долго време вежбала јавање на коњ и одлично го има усовршено, за да оваа година и се исполни желбата и биде дел од коњаницата.