Трите мавровски села на протест во недела – СТОП за урбаното дивеење и бетонирање на мавровскиот крај

Жителите од месните заедници од трите мавровски села Леуново, Никифорово, Маврово и населбата Маврови Анови за 10 октомври (недела), најавија протест како тие велат против урбаното дивеење, бетонирање, продавање на државно земјиште и националното богатство во мавровско.

Под слоганот „Спас за Маврово“ локалното население преку овој протест уште еднаш од општината ќе побараат решавање на многуте проблеми со кои се соочуваат: снабдувањето со вода, дивоградбите, локалните патишта, немолосрдното уништување на природата и загадување на езерото, како и средствата кои се слеваат во општинската каса од комуналните такси од овие села, пропорционално да се инвестираат во истите.

Протестот ќе се одржи на паркингот пред скијачкиот центар Маврово во 12 часот.