Трката започна: Кој е најуспешен хотел, ресторан, туристичка агенција во Македонија?

Министерството за економија на Република Македноја отвори конкурс за доделување на Признанија за придонес во туризмот. Признанија ќе бидат доделени во повеќе категории и тоа:

Нaјуспешен Хотел во поткатегориите: спа, планински, езерски, градски и нова инвестиција, Најуспешен Ресторан, Најуспешен Сместувачки капацитет од физичко лице, Најуспешна Туристичка агенција, Најуспешна Туристичка агенција за дојдовен туризам, Најуспешна Манифестација од областа на туризмот, Најдобар Туристички водич и Најдобар реализиран Проект од областа на туризмот.

Право да предложат кандидати за награди имаат институции, претпријатија, здруженија на граѓани, коморите, општините, група граѓани или поединци. Предлозите се доставуваат писмено на адреса на Министерството за економија, а рокот трае до 9 септември.

„Признанијата ќе бидат доделени на традиционалната свеченост по повод Светскиот ден на туризмот – 27 септември. Наградата е нематеријална и има за цел да почит на сите поединци, здруженија на граѓани и претпријатија кои изминатата година дале свој придонес кон растот и развојот на туризмот во Република Македонија ги потврди добрите практики на сите чинители во туризмот во земјата.“, соопштија од Министерството за економија.