Поврзи се со нас

Референдум 2018

Трпевски: Недела е ден за историска одлука, да гласаме ЗА европска Македонија

Пратеникот од Гостивар од редовите на Социјалдемократскиот Сојуз на Македонија, Благојче Трпевски, придружуван од сопартијците од Општинската Организација на СДСМ, денес одржа прес  преку кој ги повика граѓаните да излезат на гласање во недела и да го дадат својот глас ЗА на Референдумот.

„Во недела со соочуваме со историска одлука, сите заедно одлучуваме за нашата иднина и секој од вас треба да направи избор помеѓу изолацијата од минатото и иднината. Овој договор истовремено го потврдува нашиот македонски идентитет, ние сме Македонци и секогаш ќе бидеме Македонци, нашиот јазик, нашите граници, знаме и химна. Сите тие ќе бидат засекогаш потврдени и заштитени од целиот свет. Овој договор е гаранција за влез во Европската Унија и за влез во НАТО.

Должност ни е како родители, заради нашите деца, заради нашата Македонија, заради генерациите коишто доаѓаат, да излеземе и да гласаме ЗА европска Македонија. Да не чекаме уште 27 години. На 30-ти септември, иднината е во вашите раце и во вашиот глас. Вашиот избор пред гласачката кутија, ќе ја одлучи вашата иднина. Во недела не се седи дома. Недела е ден за историска одлука. Недела е ден за гласање. Што и да направиш во недела , ќе влијае врз иднината на твојот живот, на нашите деца, и врз иднината на државата. Сите заедно да излеземе во недела и да гласаме За европска Македонија. “, рече Трпевски.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно