Цела Италија со Наполи: Интер-Јувентус продадени 78.328 влезници

Одамна немало поважно „Дерби на Италија“ од предстојното во сабота на Џузепе Меаца помеѓу Интер и Јувентус.

„Старата дама“ мора да победи на гостувањето во Милано како би ја задржала првата позиција и предноста пред Наполи. Но, ни малку нема да биде лесно против мотивираниот Интер, кој се бори за четвртата позиција, но очигледно не им е толку важна четвртата позиција колку е голема омразата кон Јувентус и потскриената желба да се спречи да биде шампион и помогне на Наполи. Шанса која жешките наполитанци ја чекаат долги години.

Целата таа еуфорија пред се ја прават навивачите на Интер, „Нероазурите“ потврдија дека уште вчера култниот стадион е целосно распродаден. Се очекува на натпреварот да присуствувваат точно 78.328 гледачи со купени влезници. Истовремено од продадените влезници Интер ќе заработи повеќе од 5.000.000 евра, како пренесуваат итајланските медиуми, ова е апсолутен рекорд во италјанскиот фудбал.

Ако додеме на сето ова дека Интер изминативе години имаше далеку поважни натпревари од овој и поминаа без ваква еуфорија, а дури сега на овој меч поставува рекорди од продадени влезници заостанувајќи 20 бодови од лидерот на табелата.. Нема друго објаснување освен магијата на Серија А.