Цената на приклучокот за струја ќе се намали од 500 на 400 евра

Трошокот за стандарден приклучок на електрична енергија на дистрибутивната мрежа на ЕВН ќе поевтини за 100 евра. Наместо сегашните 500, ќе чини 400 евра. Според најавите од Регулаторната комисија, новиот ценовник би требало да биде усвоен во август, а ќе важи од септември годинава.

„Го зголемвме и опфатот на стандардни приклучоци со цел да има поголем број на граѓани кои при приклучувањето на своите куќи ќе можат да ги намалат своите трошоци за приклучување на мрежата. Очекуваме намалувањето на стандардниот приклучок да има влијание и на инвеститорите кои градат згради во земјава, бидејќи реално ќе им се намалат трошоците за 100 евра од стан што треба да се одрази и врз цената на становите“, изјави претседателот на РКЕ, Марко Бислимовски.