fbpx
Поврзи се со нас

Вести Гостивар

Центарот за култура поддржан со 25 проекти – Поетскиот фестивал не доби пари

Објавено

на

Центарот за култура АСНОМ во Гостивар, влезе во годишната Програма на  Министерство за култура со вкупно 25 проекти. Годинава, Министерството не го одобри Меѓународниот поетски фестивал „Литературни искри“ кој добиваше поддршка во изминатите две години и прерасна во значајна манифестација за градот. Од Центарот најавуваат поднесување на приговор.

„Со оглед на тоа дека станува збор за фестивал што се докажа и се организира во чест на Св. Кирил и Методиј, ние очекувавме уште поголема поддршка од лани, а за жал се случи воопшто да не биде поддржан. Го чекаме официјалното решение од Министерството, по што ќе поднесеме приговор. Се надеваме дека ќе имаат разбирање колку е оваа манифестација важна за литературната сцена и за градот Гостивар“, рече Луан Зенки, директор на Центарот за култура АСНОМ.

Министерството за Гостивар предвиде пари за поставување на 12 изложби, две драмски претстави (на македонски и на албански јазик), издавање на Монографија за роднокрајни автори како и за свечености за одбележување на празници.

Освен за организирање културни настани, гостиварскиот Центар преку годишната Програма ќе поддршка и за инфраструктурни зафати за подбрување на условите за работа во објектот. Планирана е обнова на фасадата и парно греење во големата сала.

Како и претходните години и оваа, доделени се средства за набавка на нови книги во градската библиотека.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!