Централен митинг на ДПА во Гостивар

„Другите албански партии немаат право да излегуваат пред вас и да го бараат вашиот глас, затоа што краделе милиони и се обидуваат тоа да го прикријат. Кога се прават сондажи колку Албанците се задоволни од политиката во Македонија излегува дека воопшто не се и сите параметри зборуваат дека нашата егзистенција е во лоша состојба. Во сите сфери е лошо, нема позитивни поместувања во културата, во спортот. Тука во Гостивар единствен опозициски кандидат на Албанците е кандидатот на ДПА, другите само лажат дека тоа се. Едната страна е поддржана од ВМРО, другата од СДСМ и тоа ќе се покаже на денот изборите.“, изјави вечерва на централниот митинг на ДПА во Гостивар, претседателот на партијата Мендух Тачи.

Кандидатот за градоначалник, Себајдин Изаири, во своето ообраќање напомена неколку поважни проекти предвидени во неговата изборна програма како решавање на проблемот со Русино, реконструкции на училишта и друго. Од говорницата се обрати и носителот на листата со кандидати за членови на советот Вилдан Мемеди.