Црквите во гостиварско повторно на мета на крадци

• Зачестија кражбите во цркви на гостиварското подрачје. Полицијата регистрира два нови случаи.

Засега непознати сторители синоќа извршиле тешки кражби во цркатата „Свети Петар и Павле “ во Долна Бањица и „Свети Ѓорѓија“ во Здуње.
Во црквата во Долна Бањица влегле внатре, откако насилно ја отвориле споредната влезна врата, отстранувајќи го пластичниот дел од истата,. Од местото за продажба на свеќи одзеле околу 500 денари. Ја отвориле и влезната врата од помошниот објект на црквата, но таму ништо не одзеле.

Кражбата е фотодокументирана, пронајдени се и подигнати траги за вештачење и се преземаат активности за откривање на сторителите, соопштуваат од полицијата.
Ноќеска, исто така, непознати сторители насилно провалиле и во црквата „Свети Ѓорѓија“ во Здуње. Најпрво го отстраниле катинарот од металната заштитна решетка, потоа ја скршиле цилиндер бравата од двокрилната, дрвена влезна врата и по пребарувањето на внaтрешноста на објектот од масичка за продажба на свеќи одзеле околу 500 денари во разни апоени.