Црна статистика: Гостивар со 120 сообраќајки, една жртва, над 70 повредени…

Во првите шест месеци од годинава, на подрачјето на Гостивар регистрирани се вкупно 120 сообраќајни несреќи, покажува статистиката на полицијата. Едно лице го загубило животот, додека 74 завршиле со телесни повреди. Материјалната штета во сообраќајките изнесувала околу 5 милиони и 700 илјади денари.

Сообраќајните несреќи со повредени лица заокружени се со 32 кривични пријави кои се поднесени против 33 учесници во несреќите најмногу за сторени кривични дела „загрозување на безбедноста во сообраќајот“, како и за „неукажување на помош“.

Според анализите на СВР Тетово, најчеста причина за случените сообраќајни несреќи останува неприлагодената брзина, односно пребрзото возење, по што следуваат непочитување првенство на минување,  недржење страна и така натаму.