Црницата прави еден куп добрини за нашето здравје

Порано секојдневно го јадеа сите деца, а во денешно време за жал, ова овошје е малку подзаборавено. Да се потсетиме на сите делотворни дејства кои црницата ги има за организмот. Можеби тоа ќе биде поттик, за да почнеме повеќе да ја јадеме и да им ја вметнеме во исхраната на најмалите. Треба да се потенцира дека плодот од црницата се јаде само кога е сосема зрел, зашто недозреаните плодови може да предизвикаат халуциногени дејства.

Изгледот на црницата потсетува на поголема, издолжена капина. Постои бел и црн плод, кој и во двата случаи е многу сочен и вкусен. Содржи лимонска и јаболкова киселина, витамини Ц, Б, К, А и Е, железо, калиум, манган и магнезиум, пектини и други корисни материи.

Помага против уринарни инфекции, болести на усната шуплина и грлото, но и состојби како епилепсија, депресија, несоница или вртоглавица. Многу позитивно влијае врз здравјето на очите, односно за подобрување на видот. Исто така, црницата е корисна и за  закрепнување после операции или намален имунитет, со оглед на тоа што го забрзува заздравувањето и ја подобрува циркулацијата. Треба да се знае дека е и моќен чистач на црниот дроб, а може да помогне и за намалување на крвиот притисок.

Освен плодот, од црницата може да се користи и листот. Тој има улога во регулирање на шеќерот во крвта, а се употребува со додавање во чајна мешавина.

Белата црница најчесто се употребува во козметиката, за избелување на кожата и отстранување на дамки. Освен тоа, добра е и во борбата против артритис како и за опуштање на организмот.