ЦСКА Москва на врвот на кошаркарска Европа

ЦСКА Москва е новиот европски првак во кошарка, стигнувајќи до својата осма титула.

„Армејците“ во финалето ја совладаа екипата на Анадолу Ефес со резултат 83:91, по четвртини (20:29, 22:15, 20:24, 21:23).

Рускиот тим, предводен од грчкиот тренер Димитрис Итудис сосема засужено се врати на тронот на Европа после три години. Се испостави дека првата четвртина беше пресудна во финалната пресметка, која ЦСКА ја доби со 9 поени разлика и ја одржуваше предноста до крајот на мечот.

МВП играчот Вил Клајбурн и Кори Хигинс со по 20 поени беа најефикасни кај новиот европски шампион. Нандо де Коло постигна 15 поени, а Серџо Родригез запиша 6 поени.

Шејн Ларкин беше најрасположен кај Ефес и најдобар поединец на финалето, постигна 29 поени.

На фајнал форот во Виторија, ЦСКА стигна до финалето совладувајќи ја екипата на Реал Мадрид, Ефес беше подобар во турската пресметка со Фенербахче.

Во борбата за третото место, Реал Мадрид го совлада Фенербахче.