Како да го спречите мамурлакот?

Доколку ве очекува долга вечер со друштвото или пак некоја веселба, а не можете да му одолеете на алкохолот, потрудете се барем да го козумирате во правилни комбинации. Умереноста е секако на прво место, но ако одите на чашка повеќе, има продукти кои ќе ви помогнат да го избегнете мамурлакот.

Компир

Секогаш пијте на полн стомак. Одделете време за да си зготвите оброк пред да излезете во град и да почнете со пиење алкохол, бидејќи на тој начин ќе одржувате стабилно ниво на шеќер во организмот и ќе ја имате потребната енергија. Компирот е одличен избор за такви ситуации.

Пилешки гради

Протеините, кои ги има во пилешките гради исто така припаѓаат во групата добрар избор за конзумирање пред забава. Во комбинација со ниско ниво на јаглехидрати, протеините помагаат во стабилизацијата на нивото на шеќер во крвта. Кога ќе ви падне нивото на шеќер во крвта, доживувате пад, губење на енергијата, чувствувате нервоза и можете да бидете нестабилни, особено после неколку чаши алкохол.

Вода

Алкохолот навистина го дехидрира организмот, што предизвикува утрински тегоби и мамурлак. Идеално би било кога би пиеле вода цело време додека пиете алкохол, но лесно е да се каже, тешко да се практикува. Затоа напијте се задоволителна количина на вода пред да почнете со пиење.

Краставица

Краставицата содржи 95% вода, па јадењето краставица пред пиење ќе ви овозможи доволно хидратација, а исто така ќе ви помогне да ги исфрлите сите токсини од организмот. Краставицата содржи и мала количина на шеќер, витамин Б и електролит, што ќе ви помогне да ја спречите главоболката наредниот ден.