Меморијален турнир „Другарите за Игор 2019“

На 8 и 9 јуни, во спортската сала „Младост“ во Гостивар ќе се одржи традиционалниот 17-ти по ред меморијален натпревар во кошарка „Другарите за Игор“. И оваа година како минатата ќе биде организиран како турнир, ќе трае 2 дена и ќе настапат повеќе екипи од младински категории. Годинава ќе учествуваат: Партизан Мултишпед Скопје, Феникс Скопје, Актавис Лесковац, Работнички Скопје, ФМП Скопје и КК Гостивар. Настанот се организира во спомен на прерано починатиот гостиварски кошаркар Игор Билески, кој животот го загуби трагично во сообраќајна несреќа на 9 јуни, 2002-рата година.

Влезниците ќе се продаваат по 50 денари, а собраните средства како и претходните години ќе бидат наменети за хуманитарни цели. Турнирот започнува во сабота 8 јуни, од 16 часот.

Оваа година турнирот го поддржаа КК Гостивар, Општина Гостивар и КФСМ.