Турнир во мал фудбал и забава со ди џеј за помош на Ивица Срезоски

Во Гостивар ќе се одржат уште два хуманитарни настани за помош на нашиот сограѓанин Ивица Срезоски. Во недела навечер во кафе барот Бејби Блу се организира забава со ди џеј Галоски. Билетите се по цена од 50 денари, а сите собрани средства ќе бидат наменети за лекувањето на младиот гостиварец во Кина.

Вториот настан е хуманитарен турнир во мал фудбал, кој е закажан за 20 ноември, понеделник. Турнирот ќе се одржи во спортската сала Младост, а пријавувањето на екипите заинтересирани за учество е во тек. Парите кои ќе бидат собрани и од овој настан исто така ќе одат на сметката отворена за лекувањето.

Изминатиот период беа организирани повеќе хуманитарни акции за помош на Ивица, кој треба да замине во Кина на третман со матични клетки следниот месец.